علوی نستعلیق
Monday, November 03, 2008
اردو کی تاریخ میں ایک اہم سنگِ میل ، علوی نستعلیق فونٹ
علوی نستعلیق یونیکوڈ اردو فونٹ ڈاؤن لوڈ کیجیے
Download Alvi Nastaleeq unicode Urdu font
Posted byQadeer Ahmad at 11/03/2008 12:27:00 PM 1 comments Links to this post
Labels: News
چندریان 1، چاند کی طرف پرواز کر گیا
Wednesday, October 22, 2008
لو جی بھارت نے بھی چاند پر کمند پھینک دی ، اے میرے پیارے وطن کے پراپرٹی ڈیلرو! تم کہاں ہو؟ اب دشمن ہمسائے سے بم پھینکنے کے ساتھ اوپر سے بھی گوشمالی کرے گا ، اور ہم ہیں کہ روٹی کو ترس رہے ہیں ۔
انڈیا کے خلائی جہاز چندریان -1 نے بدھ کی صبح ملک کے جنوبی ساحل سے کامیابی سے پرواز کر کے انڈیا کے چاند کے پہلے مشن کا آغاز کر دیا ہے۔
چاند پر بھارت کا یہ پہلا مشن ریاست آندھرا پردیش کے سری ہری کوٹا کے خلائی سٹیشن سے طےگرینچ کے معیاری وقت کے مطابق بدھ کی صبح بارہ بجکر باون منٹ پر شروع ہوا۔
اس سے قبل ایشیا کے دو ممالک چین اور جاپان بھی چاند پر اپنے اپنے مشن بھیج چکے ہیں۔
چندریان -1 کو دو برس کے مشن کے لیے بھیجا جا رہا ہے۔ اس مشن پر اسی ملین ڈالر صرف ہونگے اور اس کے ذریعے چاند کی سطح پر موجود معدنیات ، کمیکل اور زمین کی پرت کے بارے میں معلومات حاصل کی جائیں گی۔
خبر رساں ایجنسی پی ٹی آئی کے مطابق ستیش دھون سپیس سنٹر کے ایسوسی ایٹ ڈائرکٹر ڈاکٹر ایم وائی ایس پرساد کا کہنا تھا کہ اس تاریخی پرواز سے خلائی جہاز میں تینتالیس ٹن پروپلنٹ بھرا جائے گا اور اس کے علاوہ دیگر تکنیکی پہلوؤں کا بھی جائزہ لیا جائے گا۔
سائنسدانوں کا کہنا ہے کہ چندریان -1 چاند کی سطح سے سو کلومیٹراوپر معلق رہے گا۔
اس مشن کے لیے یوروپی خلائی ایجنسی اور امریکی چلائی ایجنسی (ناسا) سے اشتراک کا ایک معاہدہ بھی ہوا تھا۔
Posted byQadeer Ahmad at 10/22/2008 10:13:00 AM 2 comments Links to this post
Labels: Space
گوگل کروم ، نیا انٹرنیٹ براؤزر
Wednesday, September 03, 2008
گوگل نے’انٹرنیٹ ایکسپلورر‘ اور ’فائر فوکس‘ کے مقابلے پر ایک ’اوپن سورس‘ ویب براؤزر کروم مارکیٹ میں پیش کیا ہے۔
’ کروم‘ نامی اس براؤزر میں ملٹی میڈیا اورگرافکس پر خصوصی توجہ دی گئی ہے اور اسے مستقبل میں ویب کے استعمال کو مدِ نظر رکھتے ہوئے تیار کیا گیا ہے۔
اس براؤزر کا بِیٹا ورژن فی الحال سو ممالک میں ونڈوز آپریٹنگ سسٹم کے کمپیوٹرز کے لیے جاری کیا گیا ہے جبکہ میکنٹوش اور لینکس نظام کے کمپیوٹرز کے لیے یہ براؤزر مستقبل میں دستیاب ہوگا۔
نئے براؤزر کے حوالے سے گوگل کمپنی میں پراڈکٹ مینجمنٹ کی نائب صدر سندر پچائی نے ایک بلاگ میں لکھا ہے کہ’ ہمیں اس بات کا احساس ہوا کہ ہمیں براؤزر پر نئے سرے سے غور کرنے کی ضرورت ہے‘۔
ان کا کہنا تھا کہ ’ ہمیں جو چیز درکار تھی وہ صرف ایک براؤزر نہیں بلکہ ویب صفحات اور ایپلیکیشنز کے لیے ایک جدید پلیٹ فارم تھا اور اسی کی تیاری کے لیے ہم نے کام کیا۔
گوگل پہلے ہی پکاسا، گوگل ڈاکیومنٹس اور گوگل میپس جیسی ویب اپلیکشنز پیش کر چکا ہے اور اب یہ نیا براؤزر مائیکروسافٹ کی اس میدان میں موجود اجارہ داری ختم کرنے کی کوشش ہے۔ یاد رہے کہ مائیکروسافٹ کے ویب براؤزر’انٹرنیٹ ایکسپلورر‘ کو قریباً اسّی فیصد نیٹ صارفین استعمال کرتے ہیں۔
Posted byQadeer Ahmad at 9/03/2008 01:26:00 PM 0 comments Links to this post
Labels: News
گوگل لائیولی
Tuesday, August 19, 2008
کل میں نے ایک بہت مزے کی شے دریافت کی ہے ، اس کا نام ہے گوگل لائیولی ۔ یہ سیکنڈ لائف کی طرح ہے مگر ابھی ابتدائی دور میں ہے ۔ سیکنڈ لائف کے برعکس یہ سروس مفت ہے ۔ اسے آپ Chat کا 3D روپ کہہ سکتے ہیں ۔
اس میں مختلف کمرے ہوتے ہیں ۔ ہر شخص اپنا کمرہ بنا سکتا ہے ، اسے اپنی مرضی کا ڈیزائن دے سکتا ہے ، اپنی مرضی کی چیزیں اس میں رکھ سکتا ہے ، اپنی پسند کے کپڑے پہن سکتا ہے ۔
ان کمروں میں آپ مختلف لوگوں سے ملتے ہیں اور ان سے گپ لگاتے ہیں ۔ خوشی کا اظہار قہقہ لگا کر کرتے ہیں اور اگر غصہ آ جائے تو اگلے کی "دھلائی" بھی کر سکتے ہیں ۔ اور اس میں کیا کیا مزے ہیں ، یہ تو آپ استعمال کے بعد ہی جان سکتے ہیں ۔
اگر آپ لائیولی استعمال کریں تو میرے کمرے میں ضرور آئیے گا ، اس کا پتہ ہے ۔
http://www.lively.com/dr?rid=5523163078836033862
:p ابھی میں ذرا اس کی سجاوٹ کر رہا ہوں ۔
Posted byQadeer Ahmad at 8/19/2008 12:40:00 PM 1 comments Links to this post
Labels: Reviews
بلاگر کا نیا ڈیش بورڈ
Saturday, August 16, 2008
یومِ آزادیِ پاکستان کی خوشی میں بلاگر کی دھواں دھار ؔ پیشکش ۔۔۔
نوٹ: یہ سہولیات 14 اگست کو فراہم کی گئیں
مزید تفصیل
Posted byQadeer Ahmad at 8/16/2008 04:42:00 PM 0 comments Links to this post
Labels: Blogging
